Deputetët e Listës Serbe vazhdojnë të bojkotojnë punën e Kuvendit të Kosovës.
Që nga dhënja e betimit të nëtë deputetëve të rinj nga kjo parti 17 nëntor 2022, ata në Kuvend kanë marrë pjesë vetëm në një seancë, atë të 6 prillit të vitit 2023.
Sipas analistit politik, Bekim Kabashi ardhja e tyre për nënshkrime nuk lidhet me mëditjet.
E pavarësisht rregullores së Kuvendit që i obligon të jenë prezent në punime, nga nëntori ata në total kanë qenë vetëm dy herë prezent.
Fidan Ukaj thotë se këta deputetë janë të kujdesshëm që të mos shkelin afatet kohore dhe të jenë në rregull me ligjin.
Në Kuvendin e Kosovës më 17 nëntor u betuan: Millan Kostiq, Zoran Maksimoviq, Svetislav Gjokiq, Ksenija Bozhoviq, Radosh Mihajlloviq, Bilana Makshiq, Milan Joksimoviq, Nenad Radenkoviq, Olivera Zdravkoviq nga Lista Serbe, si dhe Cvetko Velkoviq nga partia Iniciativa qytetare për Liri, Drejtësi dhe Mbijetesë.
Kronika e realizuar nga gazetarja Fetije Kamberi
