Xhudisti kosovar Shpati Zekaj ka fituar medalje të argjendtë të shtunën në Kuvajt. Në garën e nivelit të Kupës Botërore, “Asian Open”, Zekaj garoi në kategorinë deri 100 kilogramë. Në xhiron e dytë e mposhti Aibek Akimovin e Kirgistanit. Në gjysmëfinale fitoi ndaj Zelimkhan Bashaevit, që përfaqëson Bahrejnin. Kurse në finale humbi nga Hongkyu Lee i Koresë së Jugut.
Rios Kuka u ndal në luftën e parë në kategorinë deri 90 kg.
Në garën në Kuvajt nuk po paraqiten xhudistët e nivelit më të lartë botërorë. Ata po përgatiten për Kampionatin Botëror që fillon pas një jave.
Por për Zekajn është një sukses me peshë në tentim për të dalë në nivelin serioz te të rriturit.
Të premten medalje të bronzta fituan Fationa Kasapi e Debora Gjakova.
Në “Asian Open” garuan 156 xhudistë nga 27 shtete