Gjatë vizitës në Stamboll në Republikën e Turqisë, sot jemi takuar me Ministrin e Mbrojtjes së Republikës së Turqisë, z. Hulusi Akar.
Kosova dhe Turqia janë duke punuar për nënshkrimin e tri marrëveshjeve në fushën e mbrojtjes. E para është ajo SOFA, marrëveshja për shkëmbim të personelit dhe marrëveshjen në fushën ushtarake të trajnimeve, teknikës dhe shkencës.
Këtë e ka bërë të ditur ministri i Mbrojtëses së Kosovës, Armend Mehaj pas takimi me homologun turk Hulusi Akar.
Sipas një postimi në Facebook që ka bërë Mehaj, ministri Akar shprehur falënderimin dhe mirënjohjen për ndihmën që Republika e Kosovës i ka ofruar Republikës së Turqisë me rastin e tërmetit. Reagimi ka qenë në një kohë shumë të shkurtër dhe trupat e FSK-së kanë dhënë maksimumin e tyre për të shpëtuar të mbijetuarit.
Mehaj ka thënë se Turqia mbetet partner i yni në zhvillimin dhe forcimin e ushtrisë tonë.
Mehaj ka bërë të ditur se ka zhvilluar takim të përbashkët me Ministrin e Industrive Strategjike të Ukrainës, Oleksandr Kamyshin, Ajzerbejxhanit, Zekir Hasanov si dhe Ministrin e Mbrojtjes të Burkina Faso, Aimé Berthelemy Simporé./teve1.info/
