Trajneri grek i Dritës, Akis Vavalis, e ka nisur me fitore aventurën te skuadra e Dritës.
Ferizaj nga minuta e nëntë mbeti pa portierin Leutrim Rexhepi që që u ndëshkua me të kuq nga gjyqtari Gramos Shala, i cili e rishikoi situatën në VAR.
Në vend të portierit Rexhepi u inkuadrua portieri Blend Bajraktari.
Golat e fitores, Drita i shënoi fare në fund të ndeshjes.
Dy golat tjerë, vendësit i shënuan në minutat shtesë.
Kastriot Selmani shënoi në minutën e dytë të shtesës, kurse Tahiri në minutën e nëntë të shtesës, asistoi për Marko Simonovskin që nuk e pati të vështirë të realizonte në portën e zbrazët.
Në fund të ndeshjes, Edon Sadriu i Ferizajt dhe Ardit Tahiri i Dritës patën përplasje mes vete, por gjithçka përfundoi shpejtë.
Drita vazhdon pa humbje në nëntë ndeshjet e fundit. Ka pesë fitore e katër barazime në këtë seri.
Ndërkohë, për Ferizajn e drejtuar nga trajneri Andrej Panadiq ishte disfata e tretë rresht.
Drita merr kryesimin me 63 pikë në 31 ndeshje. Ka dy pikë më shumë se Ballkani, që ka një ndeshje më pak të luajtur.
Ferizaj në pozitën e parafundit mbetet me 31 pikë.
Java e 32-të do të vë përballë Llapin dhe Dritën, ndërsa Ferizaj luan në shtëpi kundër Drenicës
