Sulmuesi spanjoll, Alvaro Morata, mund të bëhet futbollist i Juventusit për herën e tretë në karrierën e tij.
“Tuttosport” ka shkruar të shtunën se Morata ka kontratë me Atletico Madridin deri në fund të sezonit.
Pas skadimit të kontratës, Atletico i ka ofruar atij qëndrimin edhe më tej në skuadër, por me ulje të pagës, gjë që nuk është pranuar nga Morata.
Dhe Juventusi po synon që ta rikthejë atë sërish në skuadër.
Do të ishte hera e tretë për të në karrierë që do ta veshte fanellën “bardhezi”.
Në vitin 2014, ai u transferua nga Real Madridi për 20 milionë euro. Reali e bleu atë për 30 milionë euro dy vjet më vonë.
Më pas u transferua në formë huazimi tek Atletico Madridi nga Chelsea dhe i kaloi dy sezone si i huazuar te Juventusi, nga shtatori i vitit 2020 deri në verën e vitit 2022.
Morata ka shënuar 13 gola dhe ka dhuruar tri asistime në 40 ndeshje të këtij sezoni.