Garuan për katër ditë rresht.
49 ushtarë nga 9 ushtri të botës ishin pjesë e garës “Ushtari më i mirë për vitin 2023”.
Në një ceremoni në Kazermën “Skënderbeu” në Ferizaj, u bë përzgjedhja e tre garuesve ndërkombëtarë.
Tri vendet e para në këtë kompeticion i zunë ushtarët kroatë.
Kurse, titulli “Ushtari më i mirë për vitin 2023” i Forcës së Sigurisë së Kosovës shkoi për Armend Neziraj, i pasuar nga Sead Veseli dhe Arsim Jashari.
Fituesi u shpreh se ky titull e motivon për më shumë punë në të ardhmen, teksa tregon edhe vështirësitë që i kishin gjatë kësaj gare.
E për rëndësinë e kësaj gare dhe bashkëpunimit me forcat ushtarake kombëtare foli mbikëqyrësi i këtij kompeticioni.
Edhe Majori i Gardës IOWA-s tha se është i lumtur që kjo garë është realizuar me FSK-në dhe se bashkëpunimi mes dy vendeve është në rritje.
“Bashkëpunimi dhe partneriteti ynë si dy shtete, si dy ushtri është që 11 vjet dhe është në nivel shumë të mirë. Shpresojmë që kështu të vazhdojë edhe më tutje. Kjo garë na jep neve një mundësi për ngritjen edhe më tepër të bashkëpunimit dhe në të ardhmen”, tha Hjelm Stadt, Rreshter Major i Iowas.
Gjatë këtij organizimi u bë e ditur që gara të këtij lloji do të organizohen edhe muajve në vazhdim, në bashkëpunim me aleatët ndërkombëtar.
Kronika e gazetarit Lindrit Zejnullahu.
