Zëvendësministrja e Arsimit, Edona Maloku duke folur për programin STEM dhe përkrahjen e vajzave në shkollë, tha se përmes këtij programi synojnë që ta promovojnë pjesëmarrjen sa më të madhe të vajzave dhe grave në shkencë.
“Me këtë program të promovojmë pjesëmarrjen më të madhe të grave dhe vajzave në këto fusha të studimit dhe pastaj t’i përkrahim ato dhe në zhvillimin e karrierës. Qëllimi i kësaj është që përveç përfaqësimit të ketë edhe perspektivë gjinore të asaj që sjellin gratë kur punojnë. Pra perspektiva e tyre në futjen e të dhënave në kuadër të këtyre fushave, tani në një kohë kur po flasim në zhvillim dhe transformim të hovshëm teknologjik dhe digjital konsideroj që është e jashtëzkonshme edhe përfshirja e grave dhe zëri i grave të përfshihet në këto sfera. Pse, sepse të dhënat që marrim edhe psh zhvillimi i intelegjencës artificiale, ose kur është me rëndësi që ta ketë edhe vulën gjinore sepse shumë shpesh kur politikat ose programet zhvillohen vetëm prej një perspektive, atëherë pjesa tjetër e popullatës mbetet jo mirë e përfaqësuar, dhe jo shumë e zëshme në atë drejtim. Kështu që ky është qëllimi i këtij programi”, tha ajo në emisionin “Ditari” në Tëvë.
Teksa tha se hapin e parë e kanë bërë para dy viteve ku politikë të parë kanë pasur mbështetjen financiare përmes bursave për vajza dhe gra që studiojnë fushat STEM. Kurse në vitin e dytë sipas saj, kanë dyfishuar shumën e që tani siç tha ajo, ideja e këtij programi është se si t’i ndihmojnë gratë dhe vajzat që të zhvillohen profesionalisht dhe të mbesin në ato karriera./teve1.info./