Kryetari i Prishtinës, Përparim Rama ka bërë të ditur se kinemasë së kryeqytetit “Kino Rinia”, do ti rikthehet shumë shpejtë funksionalizimi.
Rama ka thënë se kjo ndërtesë tashmë është në menaxhimin e komunës të cilin ai e udhëheq.
I pari i kryeqytetit ka falënderuar edhe nënkryetaren Donjeta Sahatçiu dhe Shtatëmbëdhjetë për organizimin e aktivitetit, si dhe Ministria e Kulturës, Rinisë dhe Sportit për bashkëpunimin.
“Kino Rinia, e ndërtuar qysh në vitin 1956, ka qenë qendër e takimeve kulturore, ku janë mbajtur edhe mbrëmje letrare, teatrore e tubime sociale. Kjo ndërtesë ikonike tashmë është nën menaxhimin e Kryeqytetit dhe së shpejti asaj do t’i kthehet funksioni i dikurshëm 🙌Falënderoj nënkryetaren Donjeta Sahatçiu dhe Shtatëmbëdhjetë që organizuan këtë aktivitet të veçantë, si dhe Ministria e Kulturës, Rinisë dhe Sportit për bashkëpunimin”, shkroi Rama./teve1.info./
