NBA, për atë është spektakël dhe magjia e sportit ndërkombëtar. Si çdoherë surprizat në nivelin me të lartë të basketbollit nuk munguan as në nismë të “play-offit”, pasi skuadra më e mirë e sezonit të rregulltë Milwaukke Bucks është eliminuar nga Miami Heat. Bucks u mundën 128-126 nga Miami në kohën shtesë, në një ndeshje ku vendasit nuk shfrytëzuan një avantazh prej 16 pikësh që kishin në çerekun e tretë. Megjithatë në NBA asnjëherë nuk përfundon loja pa përfunduar sekondat. Miami në çerekun e katërt hyri në një fytyrë krejtësisht tjetër me një Butler që nuk falte nga asnjë pozicion, derisa e përmbylli ndeshjen me 42 pikë, i ndihmuar edhe nga Adebayo me 20 pikë, 10 kërcime e 10 asistime. Për Bucks, Antetokounmpo shënoi 38 pikë e 20 kërcime, i ndihmar edhe nga Middelton me 33 pikë, por që të pamjaftushme për të fituar takimin dhe në fund ngritën flamurin e bardhë që në çerekfinale.
Përballë Miami në gjysmëfinale do të jetë New York, që sot fitoi 106-95 ndaj Cleveland, duke fituar 4-1 serinë. Brunson me 23 pikë e Barrett me 21 bënë diferencën në fushë për nju-jorkezët, duke i bërë të pavlefshme 28 pikët e Mitchell për Cavaliers.
Në Perëndim, Memphis rihap garën ndaj Lakers, duke fituar 116-99, por këta të fundit udhëheqin 3-2 serinë e ndeshjeve çerekfinakle. Davis realizoi 31 pikë e 19 kërcime, por që s’mjaftuan për të fituar, ndërsa për Memphis dyshja Bane-Morant realizuan s’bashku 64 pikë.
Në avantazh 3-2 me ndeshje shkon ekipi kampion i Golden State, që mundi 123-116 Sacramento. Curry me 31 pikë ishte lider në fushë për Warriors, duke i bërë të pavlefshme 24 pikët e Fox për vendasit.
