Ministri i Administrimit dhe Pushteti Lokal, Elbert Krasniqi ka thënë se ekipi menaxhues për hartimin e statutit të Asociacionit të Komunave me Shumicë Serbe i cili është themeluar nga qeveritë e kaluara, ka thënë se është ndryshuar vazhdimisht.
Sipas tij, nga përbërja fillestare vetëm dy anëtarë nuk janë ndryshuar.
“Nga përbërja fillestare vetëm dy anëtarë kanë mbetur të pandryshuar; Igor Kalamar dhe Dejan Radojkoviq. Dy tjerë janë ndryshuar vazhdimisht. Danijela Vujiçiq është anëtarja më e re e këtij ekipi, sipas vendimit të vitit 2020. Njëherësh, ajo është emëruar edhe si koordinatore e Ekipit Menaxhues”, ka shkruar ai në Facebook, transmeton teve1.info
Krasniqi ka thënë se këtij ekipi i ka dërguar ftesë për takim më 18 prill, por që nuk ka marrë përgjigje.
“Pika e gjashtë e vendimi të vitit 2020 parasheh që Ekipi Menaxhues koordinohet dhe i raporton për aktivitetet e tij ministrit të Administrimit të Pushtetit Lokal. Ju njoftoj se të martën me 18 prill, si ministër unë i jam drejtuar me ftesë për takim këtij grupi. Ftesë kjo që nuk ka marrë përgjigje”, ka shkruar ministri Krasniqi.
Ai ka publikuar edhe tri vendimet që janë marrë nga qeveritë e kaluara për formimin e këtij ekipi.
Vendimi i parë ishte marrë në qershor të vitit 2013, gjatë Qeverisë Thaçi. Vendimi i dytë ishte marrë në qershor të vitit 2016, gjatë Qeverisë Mustafa.Vendimi i tretë ishte marrë në shtator të vitit 2020, gjatë Qeverisë Hoti.
Kryeministri i Kosovës, Albin Kurti të mërkurën ka thënë se kishte propozuar që hartimin e statutit ta bëjë ai vet, por siç ka thënë ai një gjë e tillë ishte refuzuar. Në takimin e 2 majit ndërmjet kryeministrit të Kosovës, Albin Kurti dhe presidentit serb, Vuçiq, sipas të dërguarit të BE-së për dialogun Miroslav Lajçak do të prezantohet drafti i statutit të Asociacionit./teve1.info/
