E gjithë tavolina është e mbushur me produkte organike.
Në këtë formë, kompanitë vendore po promovojnë produktet bio që ato i kultivojnë, ndonëse nuk po mungonin as kompanitë nga vendet e rajonit.
Ky promovim u bë në Konferencën e Parë Ndërkombëtare për Bujqësi Organike që u mbajt në Prishtinë.
E për certifikimin e kompanive për këtë sektor u shpreh e lumtur përfaqësuesja e Agjencionit Austriak për Zhvillim, Sandra Horina.
“…Kam qenë shumë e lumtur të mësoj se janë nëntë organe të certifikuara në Kosovë pothuajse të së njëjtës madhësi se sa ato që janë edhe në Kroaci”, tha Horina.
Ndërkaq Drejtori i Misionit Caritas-i zviceran, Gerhard Schaumberger theksoi mbështetjen e këtij misioni për ngritjen e vetëdijesimit të qytetarëve kosovarë për blerjen e këtyre produkteve.
E sipas kryetarit të shoqatës ‘’Organika’’, anëtarët e kësaj shoqate tashmë janë furnizuesit kryesorë në Ballkan për disa lloje të produkteve.
Megjithatë sfidat e këtij sektori janë të shumta.
Kjo Konferencë u organizua nga shoqata ‘’Organika’’, ndërsa dhe u financua nga projekti Sired të Caritas-it zviceran në Kosovë dhe Agjencioni Austriak për Zhvillim (ADA) dhe u sponsorizua nga institucioni mikrofinanciar KEP.
Kronika e gazetares Albiona Hajdari.