E përditshme tani, pasi Chelsea ka pësuar edhe një tjetër humbje, të gjashtën në serinë e tetë ndeshjeve pa fitore.
Në këtë seri, “blutë” e Londrës kanë marrë vetëm dy barazime. Të mërkurën në mbrëmje, Chelsea u mposht në shtëpi nga skuadra e Brentfordit 2:0. Brentfordi fitoi pas gjashtë ndeshjeve në Premier League.
Cesar Azpilicueta në minutën e 37-të shënoi autogol për epërsinë e parë të skuadrës vizitore, kurse në minutën e 78-të, sulmuesi Bryan Mbeumo, realizoi për rezultatin përfundimtar të ndeshjes.
Pas 33 ndeshjeve të luajtura, Brentfordi ka 47 pikë dhe zë vendin e 47-të. Chelsea në pozitën e 11-të, me 32 ndeshje të luajtura ka 39 pikë.
Ndërkaq fitore me përmbysje, Liverpooli ka shënuar udhëtim te West Hami me rezultatin 2:1.
“Të kuqtë” e drejtuar nga Juergen Kloppi, të mërkurën mbrëma e fituan edhe ndeshjen e dytë rresht në ligë dhe mbajnë gjallë shpresën për të zënë një vend që dërgon në “Champions” edicionin tjetër.
Lucas Paqueta i dha epërsinë vendësve në minutën e 12-të, por gjashtë minuta më vonë, për 1:1 shënoi Cody Gakpo. Golin e pikëve të plota për mysafirët e realizoi mbrojtësi Joel Matip, në minutën e 67-të.
Liverpooli pas 32 ballafaqimeve të luajtura ka 53 pikë në pozitën e gjashtë.
