Në emisionin “Këndi i Debatit”, derisa po diskutohej për zhillimet e fundit në Korporatën Energjetike të Kosovës, më saktë për arrestimin e kryshefit të kësaj kompanie, Nagip Krasniqi, analistë në studion e Tëvë1 e kritikuan PDK-në se nuk kanë qenë mjaftueshëm të guximshëm të ballafaqohen me Lëvizjen Vetëvendosjen.
Por, zëdhënësi i kësaj partie, Faton Abdullahu, tha se këtë mendësi të qeverisjes mund ta ndalë vetëm Partia Demokratike e Kosovës.
“Ne e bëjmë betejën për të dalë të parët si PDK. Këtë mendësi të qeverisjes vetëm Partia Demokratike e Kosovës mund ta ndalë. Veç ajo çka po bëjmë ne, veç ajo si po e bëjmë ne. E kemi mekanizimin, e kemi përvojën, e kemi edhe guximin. Ne po e bëjmë punën tonë si opozitë, asnjëherë nuk e bëjmë ashtu siç e ka bërë Vetëvendosje”, deklaroi Abdullahu në Tëvë1.
Madje sipas tij, PDK po akuzohet si e “butë”, vetëm për faktin se nuk gjuajnë me gurë e gaz./teve1.info/.
