Janë më shumë se zakonisht në numër.
Zyrtarët e Kompanisë Rajonale të Ujësjellësit “Prishtina” nën shoqërinë e zyrtarëve policorë, ia mësynë dy komplekseve banesore në kryeqytet të cilat kishin kyçje ilegale në ujin e pijes.
Adresa e parë ishte në lagjen “Taukbahçe” ku i gjithë kompleksi banesor tash e 5 vjet po furnizohej ilegalisht me ujë.
Prandaj, për realizimin e këtij aksioni u përdor kjo makineri e rëndë.
Banorët ishin njoftuar me kohë për këtë aksion.
Megjithatë, paraqitja e zyrtarëve të mërkurën duket që befasoi ata.
Aksioni u vazhdua edhe tek “Rruga C”, ku po ashtu, kishte një kompleks të kyçur ilegalisht në sistemin e ujit të pijes.
E zëdhënësja e KRU Prishtina, Arjeta Mjeku thotë se tash e tutje nuk do ketë tolerime karshi shfrytëzuesve ilegal të ujit të pijes.
Ajo tregon se pse nuk është bërë shkyçja e këtyre keqpërdoruesve deri më tash.
Po ashtu, nga Kompania e Ujësjellësit u bë e ditur se aksione të tilla do të ketë vazhdimisht në të gjitha lagjet e kryeqytetit.
Kronika e gazetarit Lindrit Zejnullahu.
