Presidentti i Maqedonisë së Veriut, Stevo Pendarovski ka pritur në takim presidenten e Kosovës, Vjosa Osmani.
Pritja është bërë me një ceremoni zyrtare në Shkup.
Gazetarja e teve1.info po qëndron atje dhe do t’ju njoftojmë me më të rejat e fundit nga takimet e presidentes Osmani me përfaqësues politik nga Maqedonia e Veriut.
Sipas njoftimit të Presidencës, në kuadër të kësaj vizite, Osmani së bashku me homologun, Stevo Pendarovski, do të mbajnë konferencë të përbashkët për medie.
Po ashtu, do të takohet me kryetarin e Kuvendit të Maqedonisë së Veriut, Talat Xhaferin, e pastaj pritet t’i drejtohet me një fjalim deputetëve të Kuvendit të Maqedonisë së Veriut.
Osmani do të marrë pjesë edhe në përurimin e një rruge me emrin e Presidentit, Ibrahim Rugova në komunën e Çairit, përcjell teve1.info.
Presidentja Osmani gjatë vizitës në Maqedoninë e Veriut do ta vizitojë edhe Tetovën ku do ta takojë kryetarin e komunës, Bilall Kasamin, disa kryetarë komunash të drejtuara nga shqiptarët dhe intelektualë të kësaj komune.
