SC Gjilani ka njoftuar për gjendjen e lëndimit të futbollistit Shend Kelmendi, të pësuar më 19 prill në duelin e dytë gjysmëfinal të Kupës së Kosovës ndaj Llapit.
Pas ekzaminimeve mjekësore është konstatuar se futbollisti ka këputur ligamentin ACL të gjurit të djathtë dhe në këtë mënyrë është i detyruar t’i nënshtrohet operacionit, njofton klubi.
“Futbollisti do të futet në operim gjatë ditëve në vijim dhe më pas do të ndjekë rikuperimin dhe ndjekjen fizioterapeutike. Periudha e kthimit në aktivitet do të vlerësohet pas operimit, teksa do të humbasë të gjitha ndeshjet e mbetura të këtij edicioni”, thuhet në njoftim.
