Taty Castellanos i vetëm mposhti Real Madridin në fitoren e Girona 4:2, në kuadër të xhiros së 31 në La Liga.
Futbollisti argjentinas duket se e pushtoi “shpirti” i Messit dhe u shndrrua në një lojtar të pashpirt para portës madriliene.
Castellano shënoi të katër golat e Gironas. Fillimisht, Castellano shënoi në minutën e 12’, derisa në 24’ dyfishoi rezultatin. Vinicius Junior në 34’ ngushtoi epërsinë për 2:1.
Megjithatë mbrëmja ishte e gjitha për argjentinasin, pasi në fillimin e pjesës së dytë arriti “hat-trickun”, kurse për pokerin e tij në këtë ndeshje u përkujdes në 64’. Kurse Lucas shënoi golin e dytë për Realin.
Girona pas kësaj fitoreje ka 41 pikë në vendin e 9, kurse Reali zë vendin e dytë me 65 pikë.
