Përfundimi i procesit të liberalizimit të vizave dhe hedhja e hapit të parë të Kosovës drejtë anëtarësimit në Këshillin e Evropës, po konsiderohen si efekte të progresit në dialogun për normalizim.
Drejtori i Institutit Epik, Demush Shasha, thotë se rruga e integrimit të Kosovës, përherë ka qenë e varur nga dialogu.
Rruga tutje e zbatimit të marrëveshjes do të shkoj mbi parimin e sekuencimit, e për këtë çështje zëdhënësi i Bashkimit Evropian, Peter Stano, ka thënë se secila palë duhet të jap diçka, për të marr diçka.
“BE-ja është ndërmjetësi i dialogut dhe ne jemi të vetëdijshëm për kompleksitetin politik që lidhet me zbatimin e marrëveshjes dhe kjo është arsyeja pse BE-ja propozoi një qasje “hap pas hapi” për të dyja palët, dhe kjo është një logjikë e thjeshtë, se të dyja palët duhet të bëjnë diçka për të marrë diçka”, tha Stano.
Ajo çfarë Kosova duhet të jap ne dialog është asociacioni i komunave me shumicë serbe. Sipas profesorit universitar Abit Hoxha, ky nuk do të jetë kërkesa vetëm për Kosovën.
Ndërmjetësuesi i BE-se Miroslav Lajcak, ka deklaruar se në takimin e nivelit të lartë që do të mbahet më 2 maj, do të prezantohet një draft i asociacionit.
Kronika e gazetarit Valmir Gallopeni.
