Zëvendësministri i Punëve të Jashtme, Kreshnik Ahmeti i ka reaguar zëdhënsit të BE-së, Peter Stano, pasi ky i fundit kur është pyetur për votën kundër të Serbisë në Këshillin e Evropës është përgjigjur thjeshtë se “BE-ja është në dijeni”.
Përmes një postimi në Twitter, Ahmeti ka shkruar se Serbia e ka shkelur Marrëveshjen e arritur në Ohër, pasi ka votuar kundër dhe ka kërcënuar ata që kanë përkrahur Kosovën në Këshillin e Evropës.
Andaj, Ahmeti thotë se një gjë e tillë duhet dënuar ashpër, raporton teve1.info.
“Duke votuar kundër dhe duke kërcënuar ata që ishin pro votës së djeshme për anëtarësimin e Kosovës në KiE, Serbia ka shkelur Marrëveshjen Themelore. Më tej, shefi i diplomacisë Ivica Daçiq deklaroi se Serbia dëshiron ndarjen e BeH. Kjo nuk është diçka që BE-ja duhet ta dijë, por ta dënojë ashpër”, ka shkruar Ahmeti./teve1.info/.
By voting against & threatening those who were in favor of yesterday's vote for 🇽🇰 membership at @coe, Serbia violated the Basic Agreement.
Furthermore, FM Ivica Dacic declared that Serbia wants partition of BiH. This is not smth for the EU to be aware of, but to harshly condemn.— Kreshnik Ahmeti (@Kreshnik_A) April 25, 2023
