Një serb është arrestuar dje në Novobërdë, pasi kishte shtënë me armë zjarri në fshatin Makresh.
Sipas Policisë, të dyshuarit S.S. i është gjetur një armë automatike AK-47 me fishekë dhe një karikator, përcjell teve1.info
“Drejtoria rajonale e policisë Gjilan, stacionit policor Novobërdë me datën 24.04.2023 ka pranuar informacion për të shtëna me armë zjarri në fshatin Makresh komuna e Novobërdës. Njësitet policore i janë përgjigjur rastin duke lokalizuar, identifikuar dhe arrestuar të dyshuarin S.S. (viti i lindjes 1980, mashkull kosovar serb). Me urdhër të prokurorit të shtetit është kontrolluar shtëpia dhe objektet përcjellës të të dyshuarit me ç ‘rast janë gjetur dhe konfiskuar dëshmi për gjykatën një (1) armë automatike AK-47, njëzet e dy (22) copë fishekë të kalibrit 7.62 mm dhe një (1) karikator”, bëhet e ditur në njoftim.
Prokurori i shtetit ka lëshuar masën e ndalimit për 48 orë ndaj të dyshuarit dhe ndaj tij do të ngritet kallëzim penal për veprat penale “Shkaktim i rrezikut të përgjithshëm’’ dhe “Mbajtje në pronësi, kontrollë ose posedim të paautorizuar të armëve”. /Teve1.info/