Kryetari i AAK-së, Ramush Haradinaj, ka reaguar për aprovimin e kërkesës së Kosovës për procedimin e aplikimit në Këshillin e Evropës.
Haradinaj, ka thënë se ky është një hap i mbarë, por proces i vështirë.
“Sot me shumicë votash, vendet anëtare të Këshillit të Evropës aprovuan kërkesën e Kosovës pro procedimit të aplikimit në këtë instancë, hap i mbarë ky por proces i vështirë. Jemi besimplotë për anëtarësim të plotë!”, ka shkruar ish-kryeministri në një postim në Facebook.
Sipas Haradinajt, krahas procesit të aplikimit, tani është momenti që Kosova të nisë edhe fillimin e Partneritetit për Paqe.
“Krahas këtij procesi, tani është momenti që Kosova të nisë sa më parë edhe fillimin e Partneritetit për Paqe”, ka shkruar ai.
Sot, Komiteti Ministror i Këshillit të Evropës, ka marrë vendim që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës. /teve1.info/
