Shefi i Grupit Parlamentar të PDK-së, Abelard Tahiri, ka bërë ditur se ky subjekt politik do të nisë një seancë të jashtëzakonshme të mërkurën lidhur me arrestimin e udhëheqësit të Korporatës Energjetike të Kosovës, Nagip Krasniqit.
Tahiri tha se është e papranueshme që kryeshefi i KEK-ut vazhdon të jetë në paraburgim dhe në të njëjtën kohë në kye të kësaj korporate.
“Nga ora 11:00 mendojmë të fillojë seanca, për këtë janë 40 nënshkrime nga deputetët e opozitës, do ta ftojmë edhe kryeministrin Albin Kurti edhe ministren Rizvanolli, për të folur për arrestimet dhe zhvillimet e fundit që kanë ndodhur në KEK. Është diçka e paprecedentë që të mbrohet një kryetar i cili është i arrestuar dhe në paraburgim. Ai akoma nuk është shkarkuar, duhet të shkarkohet edhe bordi i KEK-ut. Po ashtu, kemi pasur një mbrojtje ndaj këtij drejtori nga pozita dhe vet kryeministri Albin Kurti. Ajo që kemi kërkuar është që ky person të shkarkohet Bordi i KEK-ut, të shkarkohet dhe të merren masa andaj akterëve të tjerë të cilët janë të përfshirë në kuadër të menaxhimit të krizës energjetike , në ato keqpërdorime që kanë ndodhur. Për ne është e papranueshme që kryeshefi i KEK-ut vazhdon të jetë në paraburgim dhe njëkohësisht në krye të Korporatës Energjetike të Kosovës”, tha ai./teve1.info./
