Komisioni Qendror i Zgjedhjeve, njoftoi se deri në ora 15:00, në katër komunat veriore kanë votuar gjithsej 1092 qytetarë.
Njëherit, bënë të ditur se deri në këto momente, procesi zgjedhor në komunat veriore është duke vijuar në rregull.
“Ju njoftojmë se deri në këto kohë procesi zgjedhor në këto katër komuna është duke vijuar në rregull. Po ashtu, ju njoftojmë se deri në ora 15:00 sipas të dhënave që kemi, pjesëmarrja në zgjedhje është si në vijim”,
-Në Komunën e Leposaviqit, numri i qytetarëve që kanë votuar është 110 apo 0.83 përqind
-Në Zubin Potok janë 240 votues apo 3.6 përqind
-Në Komunën e Zveçanit ishin 45 votues apo 2.07 përqind
-Në Mitrovicën e Veriut 597 votues apo 3,3 përqind
Numri i qytetarëve me të drejtë vote në këto komuna është 45 mijë e 95, teksa për kryetarë garojnë 10 kandidatë, dhe vetëm një është nga komuniteti serb, përcjell teve1.info.
Mitrovica e Veriut është komunë në të cilën kanë të drejtë vote 18 mijë e 118 votues, të shpërndarë në pesë qendra të votimit. Kandidatët për kryetar në këtë komunë janë Betim Osmani nga Iniciativa Qytetare Mitrovica, Taulant Kelmendi nga Partia Demokratike e Kosovës, dhe Erden Atiq nga Lëvizja Vetëvendosje.
Në komunën e Leposaviqit të drejtë vote kanë 13 mijë e 318 votues, të shpërndarë në pesë qendra të votimit, ku kandidatë janë Albulena Behluli-Hetemi nga PDK dhe Lulzim Hetemi nga LVV.
Në Zveçan janë 6 mijë e 998 votues. Kandidatë janë Ilir Peci nga PDK, Sllagjana Pantoviq, kandiate e pavarur dhe Fetah Peci nga LVV.
Në Zubin Potok janë 6 mijë e 661 votues, ku kandidatë janë Izmir Zeqiri nga PDK, dhe Flatron Hasani, LVV./teve1.info/.