Historiani Jusuf Buxhovi thotë se gjatë kohës së Konferencës së Dejtonit të vitit 1995, Ibrahim Rugovës i ishte thënë që të përmbahej nga çfarëdo veprimi ushtarak.
“Ajo kohë ka qenë një kohë kur Rugovës i është thënë që duhet të heq dorë prej çfarëdo veprimi ushtarak dhe tash po kthehem te LPK-ja e cila në njëfarë mënyre e ka marrë përsipër, sado që i ka disa merita të dinamizimit prej 67’ e tutje, por LPK-ja fillimisht duhet të thuhet, unë librin tim e kam por edhe dokumentet, ka qenë anëtarë kolektiv i LDK-së, me vullnet, me letra që na i kanë dërgu bile kur janë hap këto gjana, amerikanët kanë insistu që edhe LPK-ja të jetë në kuadër tonin. Unë kam thanë po se kam qenë sekretar gjeneral atëherë. Kam kërku prej degëve të LPK-së që kanë qenë në Zvicër kryesisht por i kanë pasë një pjesë në Gjermani”, thotë Buxhovi.
Duke folur për ndasitë mes LPK-së dhe LDK-së, ai thotë se në fakt LPK-ja ishte anëtar kolektiv i LDK-së dhe për këtë ekzistojnë edhe dokumente.
“LPK kanë qenë anëtar kolektiv i LDK-së se në librin tim janë edhe dokumentat, anëtar kolektiv. Kanë qenë deri në 93’, kanë qenë pjesëmarrës aktiv në të gjitha strukturat e shtetit paralel. Bile shumë prej tyre kanë qenë shumë punëtorë të mirë, kanë qenë edhe entuziazstë dhe e kanë dinamizu atë lëvizjen. Në 93’shin janë nda një pjesë e tyne por kanë mbet shumë. Të burgosurit politik kryesisht kanë qenë LDK edhe nëse kjo shikohet, ky aspekt, Hydajet Hyseni ka qenë nënkryetar i LDK-së, prej Kuvendit të dytë të LDK-së në 94’ deri në 98’”, tregon ai.
Madje ai nuk pajtohet që të cilësohen si tradhtarë, ata që u larguan prej LPK-së për t’iu bashkëngjitur LDK-së.
“Në Këshillin Qendror të LDK-së të parin, gjysma gati kanë qenë të burgosur politik ose që kanë frekuentu me LPK-në. Ne e kemi Ramë Bujën, të gjithë tjerët deri te Jakup Krasniqi, të gjithë kanë qenë pjesë e strukturave të LDK-së. Në 98’shin mandej u ndanë edhe shkun. Prandaj LPK-ja nuk ka të drejtë kur thotë që këta kanë qenë tradhtarë e na kemi qenë kështu. LDK-ja ka pasë për detyrë shtetin e civilizum, ta organizojë arsimin, kulturën, çfarë e ka ba një rezistencë të cilën amerikanët e tjerë kanë insistu vazhdimisht”, thotë Buxhovi në Info Nata në Tëvë 1.
Duke folur për zgjedhjet e 1998, ai ka thënë se ato ishin të dirigjuara nga ShBA dhe nuk ishte gabim mbajtja e tyre
“Jo nuk kanë qenë gabim. Ato kanë qenë të dirigjume dhe të detyrume prej ShBA-së dhe Gjermanisë. Unë kam qenë në bisedë kur është pranu Rugova prej kancelarit Kohl diku në maj 98. Ai në mënyrë decidive ka kërku që të mbahen zgjedhjet. Ka thënë ju do t’i mbani ato, është problemi jonë. Edhe Klintoni kur e pranoi Rugovën në Washington i tha që të mbahen. Rugova është dashtë t’i mbajë ato. E kemi anën e masakrës, luftës por edhe këtë tjetrën. I kemi dy linja që amerikanët më pastaj i kanë përdor për nevoja të veta”, ka thënë ai.
