Fakulteti Juridik i Universitetit “Ukshin Hoti” në Prizren, i ka ndarë mirënjohje profesorit Kadri Kryeziu.
Mirënjohja është ndarë me rastin e aktivitetit të organizuar nga ky universitet në ““Rikujtimi i Demonstratave të vitit 1981”.
Kryeziut mirënjohja ju nda nga Prorektorja Adelina Rakaj.
Ndërsa, ish-i burgosuri politik Prof. Dr. Bajram Kosumi, i dënuar me 15 vjet burg, theksoi se Demonstratat studentore të vitit 1981, janë ngjarje kulmore në historinë e re të vendit, pasi që ato dëshmuan botërisht vendosmërinë e paepur të popullit për çlirim dhe krijim të shtetit të pavarur.
Ai shtoi se studentët u ngritën në këmbë, në një revolucion demokratik, duke formuluar kërkesën për Republikën e Kosovës, thuhet në njoftimin e universitetit.
Fjalë rasti mbajtën edhe Kryetari i Këshillit Organizativ Prof. Asoc. Dr. Arif Riza, ish-i burgosuri politik Jonuz Jonuzi dhe përfaqësuesit e studentëve, të cilët vlerësuan lartë kontributin e atij brezi që sakrifikuan për çlirimin e vendit./teve1.info/
