Besimtarët myslimanë sot përfunduan agjërimin e muajit të Ramazanit, i cili është një nga pesat shtyllat e fesë Islame.
Ky muaj, në Kosovë u shënua me aktivitetet të ndryshme fetare, siç ishin iftaret e përbashkëta në xhami e vende të ndryshime, tribuna fetare e shpërndarje të ndihmave për nevojtarët.
Imami Husamedin Abazi, thotë se ka qenë një muaj i veçantë dhe me një atmosferë shumë të mirë.
Ai shprehet se në ditët e fundit të këtij muaji besimtarët kanë emocione të përziera.
“Ka qenë një muaj i veçantë dhe sonte kemi emocione të përziera, jemi të gëzuar dhe të pikëlluar. Të gëzuar sepse në dashtë Zoti e kemi dhënë provimin gjatë këtij muaji të Ramazanit. E ndjejmë vetët të gëzuar sepse kemi arritur të agjërojmë këtë muaj inshalla siç do Allahu…. Në anët tjetër jemi të pikëlluar pasi po na lenë kenë mysafirë, pejgamberi ka thënë se ‘po ta dishin rëndësinë myslimanët se çfarë mirësi dhe begati ka ramazani do të dëshironit se i gjithë viti të jetë ramazan’. Kemi qenë dëshmitarë se çfarë atmosfere kemi pas, prandaj jemi të mërzitur pak”, ka thënë Abazi në emisionin Fanari në Tëvë 1.
