Deputetja e LDK-së, Doarca Kica – Xhelili ka thënë se është e bindur se shumë shpejtë do të nis tendenca nga pushteti për t’i kontrolluar mediat.
Ajo tha se gjithë kjo do të kamuflohet përmes rrugëve “institucionale”, ku sipas saj ndërhyrja e vazhdueshme në drejtësi është konfirmuar edhe sot në Kuvend, shkruan teve1.info
“Kam shkruar më herët për demokracinë dhe vdekjen e saj. Bullizimi deri në heshtje absolute i agjencive të pavarura dhe mediave është një ndër shkallët kryesore të shkatërrimit të demokracisë. Ndërhyrjet e vazhdueshme në drejtësi po konfirmohen çdo ditë me gjuhën e sotme të akterëve të pushtetit.
Çka ka mbetur? Mediat. Jam e bindur që shumë shpejt do të nisin tendenca nga pushteti të kontrolleve absurde ndaj mediave që edhe ato të bullizohen deri në heshtje. Edhe më e bindur jam që e GJITHË kjo do të kamuflohet përmes rrugëve “institucionale”. Qofsha gabim”, ka shkruar ajo./teve1.info
