Është mësuar vendi se ku do të zhvillohet ndeshja mes Bjellorusisë dhe Kosovës në kuadër të Grupit I për kualifikime në Evropianin 2024. Ndonëse Bjellorusia është e sanksionuar të luajë në territorin e tyre, shkak përfshirjes në luftën Rusi – Ukrainë dhe për këtë do të duhet të zgjedh një vend neutral për të zhvilluarë ndeshjet. Me Zvicrën u ndesh në Novi Sad, ndërsa për sfidën me Kosovën do të luajë në Greqi, edhe pse stadiumi se ku do të luhet ende nuk është bërë i ditur.
Drejtori i Kombëtares së Kosovës, Muharrem Sahiti në një pronocim dhënë për Tëvë1 bëri me dije se janë komunikuar nga federata bjelloruse se do të përballen në Greqi.
“Do të luajmë në Greqi, për stadium do të komunikohemi ditëve në vijim”, tha Sahiti.
Bjellorusia dhe Kosova do të përballen më 19 qershor të këtij viti me fillim nga ora 20:45.