Superliga e Kosovës në basketboll është tashmë në fazën e saj të fundit për këtë edicion.Momentalisht janë duke u zhvilluar gjysmëfinalet, atje ku sonte mund të mësohet finalisti i parë.
Peja dhe Golden Eagle do të përballen në palestrën “Karagaçi”, atje ku në rast se vendasit triumfojnë, do të sigurojnë ‘biletën’ për finalen e madhe. Pejanët fituan dy ndeshjet e para, duke qenë më të mirë se kundërshtari nga Suhareka, me Golden Eagle Yllin që po vuan edhe mungesën e disa basketbollistëve.
Megjithatë, një fitore e mysafirëve do ta hapte përsëri garën, sepse pastaj ndeshja tjetër do të zhvillohej në palestrën “13 Qershori”.Ky takim zhvillohet me fillim nga ora 20:30.
