Mason Mount është pranë Liverpoolit. Sipas medieve britanike, The Reds nuk dëshirojnë të humbasin kohë dhe thuhet se kanë përgatitur një ofertë për futbollistin e Chelsea.
Kontrata e 24-vjeçarit skadon verën e 2024-s dhe te “Blutë e Londrës” janë të bindur se lojtari nuk do të firmosë rinovimin. Jurgen Klopp vlerëson shumë karakteristikat e lojtarit të kombëtares angleze.
Edhe pse në verë do të futet në vitin e fundit të kontratës, drejtuesit e Chelsea kërkojnë rreth 60 milionë paund për ta lënë të lirë Mount.
Mesfushori ofensiv ka dalë nga akademia e Chelsea dhe po luan sezonin e katërt në “Stamford Bridge”.
Mount debutoi me “Tre Luanët” në shtatorin e vitit 2019. Deri tani numëron 36 ndeshje dhe 5 gola me kombëtaren angleze.
