Milija Bishevaq, kryetar i Iniciativës Qytetare “Për Zubin Potokun”, një parti që do t’i bojkotojë zgjedhjet lokale që pritet të mbahen më 23 prill, thotë se “duket se zgjedhjet do të zhvillohen pavarësisht të gjitha problemeve”, teksa pret që dita e zgjedhjeve të kalojë e qetë dhe pa incidente.
Megjithatë ai shton se zgjedhjet nuk po zhvillohen në kushte të drejta dhe demokratike.
“Ne presim që të kalojnë në mënyrë paqësore dhe pa incidente, megjithëse ende besojmë se nuk janë krijuar kushtet për të mbajtur zgjedhje të ndershme dhe demokratike për të zgjedhur një pushtet ekzekutiv që do të vihej në shërbim të qytetarëve, që është një nga shumë arsye pse ne si Iniciativë Qytetare nuk do të marrim pjesë në këtë proces zgjedhor”, thotë Bishevac.
I pyetur se si pret që Lista Serbe të veprojë në lidhje me zgjedhjet, Bishevaq thotë se kjo parti qëndrimin “e ka thënë shumë kohë më parë”, transmeton teve1.info.
“Sa i përket Listës Serbe, ata e kanë thënë fjalën e tyre shumë kohë më parë. Është e qartë se duke braktisur institucionet, i dhanë hapësirë shqiptarëve që të marrin plotësisht kontrollin e veriut. Më saktësisht, ata duket se po përpiqen të mbulojnë të gjitha dështimet e tyre të së shkuarës në punë, makinacionet, manipulimet dhe rënien e popullaritetit në popull duke qëndruar jashtë të gjitha ngjarjeve politike”, ka shtuar Bishevaq për danas.
Tutje ai shton se ka nevojë që për ndryshime në jetën politike të serbëve në Kosovë.
“Zhgënjimi me veprimet e deritanishme të listës në pushtet është i madh. Besojmë se është koha për disa njerëz të rinj dhe ndryshime të mëdha në jetën politike të serbëve dhe se Beogradi zyrtar është i vetëdijshëm për këtë. Sa i përket veprimeve tona, sigurisht që do të vazhdojmë luftën politike, sepse besojmë se qytetarët tani janë lënë të kujdesen për veten e tyre”, thotë Bishevaq.
