Dy raste të sulmeve ndaj personave zyrtarë, më konkretisht ndaj zyrtarëve policorë, kanë ndodhur në Kosovë në 24 orët e fundit.
Në njërin rast në Pejë, i dyshuari ka sulmuar zyrtarin policor përderisa ishte në kryerje të detyrës zyrtare.
Gjatë arrestimit i dyshuari ka rezistuar duke i shkaktuar lëndime trupore dy policëve.
“Me vendim të prokurorit, i dyshuari është dërguar në mbajtje”, thuhet në njoftimin e policisë.
Një rast i ngjashëm ka ndodhur edhe në Gjakovë, teksa dy të dyshuar kanë sulmuar policinë pasi që paraprakisht të njëjtit nuk e kanë respektuar urdhrin për t’u ndalur.
“Pas intervistimit me urdhër të prokurorit të dyshuarit janë arrestuar dhe dërguar në mbajtje”, njoftohet nga policia.
