Zëvendësministri i mbrojtjes, Shemsi Syla ka folur për rrjedhojën e transformimit të FSK-së në një ushtri të mirëfilltë dhe kapacitetet e saj.
Syla ka thënë se FSK karakterizohet nga ushtarë të përgjegjshëm e të diciplinuar.
“Ne jemi shtet i vogël, popull i vogël por edhe ushtri të vogël kem. Por kemi ushtarë të përgjegjshëm, të mirë, të përgatitur psiçikisht, fizikisht por edhe në aspektin taktik, në stërvitje shkëlqejnë. Kemi një moral të denjë dhe ky fakt flet shumë. Sepse një ushtri e vogël duhet ta ketë këtë cilësi të ushtarit, i përgjegjshëm, i diciplinuar, i aftë për ta kry detyrën dhe i dijshëm”, ka thënë Syla.
Ai ka thënë se vështirësitë më të mëdha janë kaluar, por vazhdon që të ketë të tilla.
“Vështirësi kemi të shumta. Për të qenë një ushtar taman siç duhej nevojitet një buxhet i mirë, infrastruktura, akomodimi i ushtarit, të gjitha janë faktorë për të qenë komplet, Ato vështirësi I kemi kaluar, jemi prapë me vështirësi, megjithëse një vëmendje e posaçme që është e qeveriësë në buxhet na ka ndihmuar shumë të ecim përpara. Normal që ne jemi përqendruar të sigurojmë pajisje, kryekëput kushte të tjera të cilat janë adekuate duke marrë parasysh rrethanat, konstelacionet e krijuara rreth nesh, situata e përgjithshme dhe kërcënimet eventuale që mund të jenë prandaj edhe orientimi ynë është sigurimi i pajisjeve, të mjeteve me të cilat eventualisht në një situatë të ishim në detyrë siç duhej”.
Sipas Sylës, FSK është në një fazë të zhvillimit ku do të duhej të ishte më 2024 e qëllimi sipas tij, është që kapacitetet e plota të arrihen para 2028, atëherë kur është e paraparë.
“Ne jemi në faza të zhvillimit tonë. Kemi hy në fazën e dytë. Për t’i plotësu kapacitetet e plota ne e dimë se e kemi vitin 2028. Krahas fazave të zhvillimit jemi duke ecur me pajisje dhe në saje të prioriteteve që i ka vënë Qeveria me buxhet ne kemi ecë më herët, jemi më mirë se sa po të shkohet në faza. Kemi kalu ndoshta fazën. Ne tani do të ishim në vitin 2024, është fat i madh që jemi pajisur, është fat i madh që edhe ushtarakët edhe ushtarët janë të shkolluar në faza të duhura, të kënaqshme”, ka deklaruar Syla.
“Pretendim kemi që të mbërrijmë kapacitet e plota. Obligim vetit ia kemi vu që t’i bëjmë para 2028 dhe besoj që do ta arrijmë atë synim tonin se jemi duke shkuar drejt asaj. Ne kemi pasur ushtrime e trajnime të rëndësishme në nivel të partneritetit me shtete tjera. ShBA na ka mundësuar që të jemi në qendër të vëmendjes dhe më së shumti na kanë afruar në këtë drejtim”, ka thënë zv/ministri në InfoNata në Tëvë 1.
