Profesori i marrëdhënieve ndërkombëtare, Arben Fetoshi vlerëson se në perspektivë afatgjatë, efekti i liberalizimit të vizave do të jetë pozitiv.
“Në perspektivën pak më afatgjatë jam i bindur që efektet e liberalizimit të vizave do të jenë stabilizuese, sepse njerëzit do ta prekin ëndrrën e tyre të asaj qëë paraqet Bashkimi Evropian dhe të rinjtë e të rejat, ata që do ta gjejnë perspektivën e vet në Bashkimin Evropian do të ngelen atje, se kjo është bota e sotme, mirëpo të tjerë do t’i kthehen Kosovës ndoshta me një përkushtim edhe më të madh për t’i ndërtu proceset e së ardhmes në vend”, thotë Fetoshi.
Megjithatë Fetoshi thotë se e ka një pritshmëri tjetër pas asaj që kjo është efekti i parë i marrëveshjes Kosovë-Serbi.
Sipas tij, tani e tutje qytetarët serbë të Kosovës do të detyrohen ta pranojnë pasaportën e Kosovës, pasi me atë të Serbisë nuk mund të lëvizin në zonën Schengen.
“Pse e quajta efekti i parë i Marrëveshjes së Ohrit. Sepse po në kuptim të efekteve që do të prodhojë Marrëveshja e Ohrit nga perspektiva ndërkombëtare. Porn ë anën tjetër heqja e vizave. Çka duhet të presim, unë nuk mund t’i referohem ndonjë statistike, nuk e di nëse është bë ndonjë hulumtim apo jo. Por cili do të jetë reagimi i qytetarëve serbë të Kosovës të cilët deri sot kanë refuzu të marrin pasaportë të Republikës së Kosovës? Ata nuk kanë të drejtë të lëvizin në zonën Schengen me pasaportë të Serbisë. Të obligum po se po, por unë jam i bindun që do të fillojnë me e pranu pasaportën e Kosovës dhe kjo është edhe një efekt tjetër që lidhet me këtë kontekstin e madh të Marrëveshjes së Ohrit”, ka thënë Fetoshi në Këndin e Debatit në Tëvë 1.
