Këshilli i Evropës që nga 12 maji i vitit të kaluar, po e mbanë në shqyrtim aplikimin e Kosovës për anëtarësim.
Aplikimin zyrtarisht e pati dorëzuar ministrja e Punëve të Jashtme të Kosovës, Donika Gërvalla.
Këtë pranverë po pritet që kërkesa e Kosovës të hyj në agjendë për shqyrtim.
Krerët e institucioneve, së fundmi janë shprehur optimist që Kosova ka siguruar votat e mjaftueshme për anëtarësim në Këshillin e Evropës.
Gjasa reale që këtë vit Kosova të jetë pjesë e KiE-së, po sheh edhe ish ambasadori i Shqipërisë në OKB, Agim Nesho.
Profesori Universitar Dorajet Imeri thotë se pas marrëveshjeve të fundit në kuadër të dialogut, është lehtësuar edhe rruga e Kosovës për anëtarësim në organizata ndërkombëtare, përfshirë Këshillin e Evropës.
Ndonëse me marrëveshjen e fundit, Serbia është zotuar se nuk do të pengojë anëtarësimin e Kosovës në organizata e mekanizma ndërkombëtar, ministri i Jashtëm serb, Ivica Daçiq po qëndron në
Strasburg, për të penguar pikërisht anëtarësimin e Kosovës në Këshillin e Evropës.
Kronika e realizuar nga gazetari Valmir Gallopeni
