Deputetja e LDK-së, Valentina Bunjaku-Rexhepi ka thënë se Autoriteti i Konkurrencës nuk po e kryen punën si duhet sa i përket rritjes së paarsyeshme të çmimeve në treg.
“Autoriteti i Konkurrencës duhet të vëzhgojë dhe kontrollojë çmimet dhe besoj që me një punë më të mirë të saj sigurisht se kanë me u zbritë edhe ato çmime në qoftë se nuk janë zbrit. Edhe pse edhe ky Autoritet nuk është kah funksionon, sikurse shumë borde tjera. Asnjëherë nuk e kanë ba puënn qysh duhet. Ne i dimë ankesat e qytetarëve”, ka thënë ajo.
Bunjaku-Rexhepi ka shtuar se dy anëtarë të këtij institucioni nuk po marrin pjesë në mbledhje dhe kësisoj bordi është jofunksional. Megjithatë ajo ka shtuar se nuk dihen arsyet se pse po ndodh një gjë e tillë.
“Nëse kish funksionu mirë, s’kish pas kaq shumë ankesa. Ato vazhdimisht po vijën sepse ky autoritet nuk po funksionon. Fillimisht kjo Qeveri që 2 vjet nuk e ka za gjedh bordin. Edhe kur e ka zgjedh, ky autoritet nuk po e kryn punën si duhet dhe me sa e di dy anëtarë të këtij bordi nuk po funksionojnë, nuk po shkojnë, nuk po marrin pjesë në mbledhje. Nuk kemi asgjë me shkrim, nuk kemi arsye, autoriteti ngadalshëm po e kryen punët e vet”, ka shkuar ajo në Ditari në Tëvë 1.
Sipas saj, nëse Bordi nuk e kryen me sukses detyrën duhet të shkarkohet.
“S’kemi asgjë me shkrim. Por Autoriteti i Konkurrencës nuk po funksionon si duhet. Nuk ka ditë që në Facebook nuk lexoj që s’ka ankesa të qytetarëve. Bordi ja duhet me kry punën suksesshëm, ja me dhanë dorëheqje, ja me i shkarku. Ka pasë raste kur kjo qeveri ka shkarku borde shumë të suksesshme dhe bordin jo të suksesshëm, nuk merren me Autoritetin e Konkurrencës”.
