Kryetarja e Komisionit për Integrime Evropiane të Parlamentit të Serbisë, Elvira Kovaç, ka reaguar për liberalizimin e vizave për qytetarët e Kosovës.
Ajo ka vlerësuar se duhet parë momentin në të cilin është dialogu Kosovë – Serbi, i lehtësuar nga BE, duke thënë se me këtë Kosova po shpërblehet e Serbia po ndëshkohet.
Sipas saj, liberalizimi i vizave për Kosovën do të hyjë në fuqi kur sistemi evropian i informacionit dhe autorizimit të udhëtimit të jetë funksional, jo më vonë se më 1 janar 2024.
“Është një sistem që do të kryejë kontrollin e pasagjerëve përpara udhëtimit dhe do të lejojë vendet e BE-së t’u mohojnë lejen atyre që përfaqësojnë një kërcënim sigurie,” tha Kovaç për Tanjug, përcjell teve1.info.
