Bayern Munichu është futur në garë për shërbimet e sulmuesit Randal Kolo Muani, ka njoftuar “Kicker” të premten. Bëhet e ditur se francezi te Bayerni po shihet si përforcim i duhur për sulmin dhe bavarezët së shpejti pritet t’i nisin kontaktet me Eintracht Frankfurtin.
Kolo Muani pritet të largohet nga Eintrachti këtë vit dhe ekipi gjerman për ta lënë të lirë po kërkon hiq më pak se 100 milionë euro.
24-vjeçari ka treguar paraqitje të mira këtë sezon, ku ka shënuar 19 gola dhe ka asistuar 14 herë në 38 ndeshje të luajtura në të gjitha garat. Ai iu bashkua Eintrachtit para fillimit të këtij sezoni nga Nantesi dhe ka kontratë me ekipin nga Bundesliga deri në vitin 2027.
