Ministri i Punëve të Brendshme, Xhelal Sveçla, në raportimin në Komisionin për Integrime Evropiane, ka folur për zgjedhjet e 23 prillit në katër komunat veriore, raporton teve1.info.
Ai ka deklaruar se policia dhe Ministria e Punëve të Brendshme janë në dispozicion të KQZ-së, derisa me bindje të plotë ka thënë se procesi zgjedhor atje do të përfundojë i qetë dhe i suksesshëm.
“Për sa i takon çështjes së zgjedhjeve, policia e Kosovës, por edhe e gjithë Ministria e Punëve të Brendshme është në dispozicion të KQZ-së, në mënyrë që këto zgjedhje të vijojnë dhe përfundojnë suksesshme. Për neve është imperativ që këto zgjedhje të mbahen në një atmosferë të qetë, të sigurtë, qoftë për organizatorët, poashtu edhe për vet qytetarët atje. Me rëndësi është të institucionet e Kosovës janë duke vijuar me organizimin e procesit zgjedhor, ashtu siç është më së miri. Unë jam i bindur se gjithë ky proces do të përfundojnë i qetë, i suksesshëm, duke i tejkaluar edhe problemet të cilat i përmenda”, deklaroi Sveçla.
Derisa ka theksuar se në veri të vendit ka përmirësime në aspektin e sundimit të ligjit dhe të sigurisë.
Po ashtu, Sveçla ka bërë të ditur se Policia e Kosovës aktualisht është duke zhvilluar një aksion kundër keqpërdorimeve të rrymës në veri.
“Që nga përfundimi i luftës gjendja në katër komunat në veri të Kosovës nuk ka qenë e mirë, gjendja ende nuk është e kënaqshme, absolutisht që ka përmirësime në aspektin e sundimit të ligjit dhe të sigurisë. Kjo ka ndodhur për shkak të angazhimit të jashtëzakonshëm të gjithë strukturave qoftë qeveritare, qoftë të sigurisë atje. Kemi prezencë të strukturave të sigurisë si kurrë më parë atje, kemi sundim të ligjit si kurrë më parë atje, por patjetër që kemi edhe sfida. Aktualisht Policia e Kosovës është duke zhvilluar një aksion kundër keqpërdorimeve të energjisë elektrike, dhe këto kriprovalutat dhe mund të them se është suksesi i radhës”, u shpreh ai./teve1.info/.
