Sot është bërë përurimi i fillimit të punimeve për kyçjen e Vitisë në autostradën që e lidh Prishtinën me Shkupin.
Kështu ka bërë të ditur ministri i Infrastrukturës, Liburn Aliu, i cili ka theksuar se kjo rrugë pritet të hapur për qarkullim brenda 175 ditëve, përcjell teve1.info
“Një rrugë e rëndësishme, e cila do të ndikojë në zhvillimin e mëtejshëm të zonës dhe do të shërbejë edhe si një alternativë më shumë për të gjithë qytetarët, e që pritet të jetë i realizuar dhe hapur plotësisht për qarkullimin e automjeteve brenda 175 ditëve. Vlera e këtij projektit është rreth 2.7 milionë euro dhe do të realizohet me ritme të kënaqshme, falë edhe bashkëpunimit me banorët, të cilët kanë mbështetur realizimin e këtij projekti”, ka shkruar ai në Facebook.
Ai ka thënë se ky do të jetë viti i shumë projekteve të rëndësishme infrastrukturore për të gjithë qytetarët e vendit. /Teve1.info/
