Ministri i punëve të Brendshme, Xhelal Sveçla ka thënë se tashmë janë identifikuar sulmuesit e gazetarit Valon Syla.
“Pas hetimeve intenzive të Policisë së Kosovës tashmë janë identifikuar sulmuesit e gazetarit Syla dhe shumë shpejtë kryesit e këtij akti do të sillen para drejtësisë”, ka shkruar Sveçla.
Sveçla ka shtuar se si qytetar dhe ministër është i shqetësuar me sulmin e mbrëmshëm ndaj Sylës.
“Si shoqëri dhe si pjesë e institucioneve angazhohemi për një shtet ku mbizotëron demokracia e ku mendimi ndryshe nuk ballafaqohet me sulm të çfarëdo lloj forme”, është shprehur Sveçla.
Sveçla është zotuar se institucionet e sigurisë do të vazhdojnë angazhimin për garantimin dhe respektimin e të drejtave të çdo qytetari tonë të cilat janë të pacënueshme dhe të padiskutueshme.
Gazetari dhe analisti Valon Syla u sulmua mbrëmë nga tre persona, pas përfundimit të një emisioni debatues ku ai ishte panelist. Ai nga ky sulm ka marrë lëndime në kokë dhe dorë. Kurse për këtë ngjarje ai i ka akuzuar “islamistët fanatikë”.
