Çmimet miellit, bukës, vezëve, qumështit e produkteve tjera bazike kanë shënuar një ngritje të theksuar në muajt e parë të këtij vitit.
E përveç gjërave ushqimore , qytetarët do të paguajnë më shtrenjtë për këtë muaj edhe tarifat e rrymës.
Kjo pasi rritjes për 15% të çmimit të energjisë elektrike.
E kjo gjë po del te jetë e papërballueshme për xhepin e qytetarëve.
Rritja e kostos se jetës sipas Selatin Kacanikut nga Shoqata e Konsumatorit do të dërgoj në rëndimin e jetesës së shtresës së varfër të qytetarëve.
Kurse profesor i ekonomisë, Bashkim Mustafa, thotë se rritja e rrymës do të ndikojë që të rriten edhe më shumë çmimet e produkteve.
Sipas të dhënave të Agjencisë së Statistikave të Kosovës, çmimet e konsumit ishin më të larta rreth 10.5% në muajin shkurt 2023, krahasuar me muajin shkurt 2022.
Kronika e realizuar nga gazetarja Doresa Geci.
