Ish-këshilltari i ish-presidentit Thaçi, Ismail Syla ka thënë se UÇK-ja përmes transformimit ka ka treguar elemente të një qytetarie, të një discipline edhe të një kulture shtetformuese.
“Nuk ke pasë të bësh këtu me formacione rebele, me formacione që krijojnë probleme, sepse prej 20 qershorit kur ushtari i fundit serb largohet nga Kosova, faktikisht Kosova ka qenë në duart e ndërkombëtarëve”, tregon Syla.
Ai kundërshton ashpër një pikë nga aktakuza e Speciales, ku thuhet se UÇK ka bërë veprime luftarake deri në transformimin e saj në TMK.
“Ndërsa një pjesë e kësaj aktakuze të gabuar thuhet tekstualisht kështu: Ushtria Çlirimtare e Kosovës ka bërë veprime dhe operacione luftarake deri në transformimin e saj. Kushdo, një njeri që ka jetuar në verën e 1999 dhe fillimin e vjeshtës, e di fort mirë që nuk ka pasur operacione. Por, unë e di fort mirë që një mikun tim Bujar Nevzatin nga Gjilani, e kanë arrestuar vetëm sepse ka pasur rrbat e UÇK-së veshur”, ka thënë Syla në Ditari në Tëvë 1.