Deputeti i VV-së, Armend Muja vlerëson se mekanizmi i monitorimit të marrëveshjes me Serbinë është po aq i rëndësishëm sa edhe marrëveshja.
Muja ka shtuar se Serbia ndonëse e kishte themelimin e Asociacionit qëllim primar, ajo rrugës arriti marrëveshje të tjera, me çka u tërhoq nga parimet e saj.
“Tek ne çka ka qenë e papranueshme sepse Serbia pati thënë më herët që fillimisht zbatojeni Asociacionin, atë Asociacionin e vitit 2015 qoftë edhe përmes ndryshimit të Kushtetutës thojke se është e juaja, pastaj flasim për çështje të tjera. Ai ka qenë kushti paraprak, atë s’e kemi pranu natyrisht. Këta eventualisht fillun me nënshkru marrëveshje tjera, si plani i zbatimit të Marrëveshjes së Energjisë, e dyta ishte Deklarata për të Pagjeturit. Kushti i tyre fillestar u hoq, pra nuk ka qenë as qasje parimore as nuk e kemi pranu. Por ajo çka mund të siguroj, detajet e zbatimit mendoj se duhet të detajohen në javët në vazhdim”, ka thënë Muja në ResPublika në Tëvë 1.
Sipas tij më nuk do të ketë zbatim të njëanshëm të marrrëveshjeve.
“Në Kosovë nuk do të ketë më zbatim të njëanshëm të marrëveshjeve të arritura. Unë nuk do ta sugjeroja këtë sepse nuk ka shku në benefit të Kosovës kjo”, ka shtuar ai.
