Blerim Vela, shef i stafit të presidencës vlerëson se Serbia po vazhdon t’i shkelë marrëveshjet e arritura me Kosovën në Bruksel.
Kësaj radhe Vela thotë se Serbia po ua pamundëson qasjen në qendrat e paraburgimit, të familjarëve të personave të ndaluar që vijnë nga Kosova.
Kjo sipas Velës po bëhet me pretekstin se “Serbia nuk i njeh kartat e identitetit të Kosovës”.
“Kjo është shkelje e marrëveshjeve të Brukselit dhe e të drejtave themelore të njeriut nga regjimi i Vuçiqit”, ka shkruar Vela.
Serbia’s institutions are systematically denying access of family members to Kosovo citizens currently detained in detention centers in Serbia with a pretext that they don’t recognize 🇽🇰 IDs.
This is a violation of Brussels agreements & the basic human rights by Vučić’s regime.
— Blerim Vela (@Blerim_Vela) April 10, 2023
Ndryshe Vela mbrëmë kërkoi sanksione ndaj Serbisë, pas deklaratave të presidentit serb Vuçiq se nuk do ta zbatojnë marrëveshjen e fundit në tërësi.
