Kryetari i AAK-së, Ramush Haradinaj, Betejën e Koshares e ka cilësuar si njërën ndër betejat më të përgjakshme dhe heroike të luftës së Ushtrisë Çlirimtare të Kosovës.
Haradinaj në 24-vjetorin e betejës i ka kujtuar heronjtë Agim Ramadanin, Sali Çekun, Xhemajl Fetahun dhe dëshmorët e tjerë.
“Në 24-vjetorin e saj, i kujtojmë me respektin më të lartë heronjtë; Agim Ramadani, Sali Çeku, Xhemajl Fetahu dhe dëshmorët e tjerë, që me guximin dhe gjakun e tyre shënuan njërën prej ngjarjeve më të rëndësishme të luftës të luftës sonë për liri”, ka shkruar Haradinaj në një postim në Facebook.
Sipas ish-kryeministrit, thyerja e kufirit shqiptaro-shqiptar ka ndërruar rrjedhën e historisë, i cili ka dhënë mesazh të qartë armikut se shqiptarët asnjëherë nuk e pranojnë robërinë.
“Përgjithmonë mirënjohës kontributit të luftëtarëve të lirisë dhe të përulur para sakrificës së dëshmorëve të Kombit”, ka thënë përfund Haradinaj. /teve1.info/
