Deputetja e PDK-së, Blerta Deliu-Kodra, në 15-vjetorin e miratimit të Kushtetutës së Kosovës ka thënë se Qeveria Kurti është treguar shumë herë e pamëshirshme ndaj aktit më të lartë juridik të vendit.
Deliu-Kodra ka shkruar se kryeministri bashkë me ekipin e tij kanë “vënë këmbën” shumë herë mbi Kushtetutë.
Madje ia ka kujtuar lideri të ekzekutivit një deklaratë, kur thoshte se ata që e shkelin Kushtetutën janë super-kriminelë.
“Të gjithë ata që shkelin kushtetutën, Albin Kurti i pati quajtur me një term jo fort të lehtë “Kush e shkel ligjin është kriminel, ndërsa ata që e shkelin kushtetutën janë super-kriminel”, ishte përshkrimi i Kryeministrit”, ka shkruar Deliu-Kodra.