Një person ka raportuar se derisa ishte duke lëvizur me veturë, në drejtim të tij është shtënë me armë zjarri nga një veturë tjetër.
Sipas viktimës, ai që ka shtënë në drejtim të tij mund të jetë një person me të cilin kishin mosmarrëveshje më herët.
Pas raportimit, në vendin e ngjarjes janë gjetur pesë gëzhojë, njëherit i dyshuari është kërkuar në shtëpinë e tij, mirëpo nuk është gjetur, përcjell teve1.info.
“Rr. Fahri Fazliu, Prishtinë 07.04.2023 – 23:30. Viktima mashkull kosovar ka njoftuar policinë se derisa ishte duke lëvizur me veturë, në drejtim të tij është shtënë me armë nga një veturë në lëvizje. Sipas viktimës i dyshuar i rastit mund të jetë një mashkull kosovar me të cilin kishin një mosmarrëveshje të mëhershme. Vetura e viktimës është goditur me katër predha si dhe në vendin e ngjarjes janë gjetur pesë gëzhoja. I dyshuari është kërkuar në shtëpinë e tij, por nuk është gjetur dhe të njëjtit i është lënë ftesë të paraqitet në stacion policor”, thuhet në raportin 24 orësh të policisë./teve1.info/.
