Pas tetë vjetësh si i pandehur, të enjten Naser Pajazitaj është liruar me vendim të Gjykatës Supreme.
Pajazitaj, nga 2015-ta akuzohej për vrasjen e Donjeta Pajazitaj në bjeshkët e Deçanit. E këtë vendim nuk po e pranojnë familjarët e të ndjerës.
Pavarësisht shpresave të pakta paralajmërojnë që këtë vendim do të dërgojnë në Gjykatën Kushtetuese.
Ndërkohë, mbrojtësi i të pandehurit Ahmet Tahiri thotë se lirimi i klientit të tij ka ardhur si rrjedhojë e mungesës së provave.
E në këtë rast u rrëzua vendimi i Apelit, nga dënimi me burgim të përjetshëm në lirim nga këto akuza.
Avokati Yll Zekaj, tregon arsyet pse ka ndodhur kjo.
Sipas Zekajt, është i pashmangshëm procesi i Vettingut.
Rasti i vrasjes së Donjeta Pajazitaj kishte marrë epilog dy herë në Gjykatën e Pejës, ku herën e parë ishte shpallur i pafajshëm, kurse herën e dytë ishte dënuar me burgim të përjetshëm.
Ne të dy rastet, aktgjykimet ishin anuluar nga Gjykata e Apelit, përkatësisht Gjykata Supreme dhe lënda ishte kthyer në rigjykim.
Kronika e gazetares Fetije Kamberi.
