Ndërmarrja publike “Termokos”, ka njoftuar se në vikend do të mbyllet për qarkullim një pjesë e rrugës “Agim Ramadani” në Prishtinë.
Përmes një postimi në Facebook, kanë shkruar se mbyllja e qarkullimit do të bëhet për shkak të disa punimeve për zgjerimin e rrjetit të ngrohjes, përcjell teve1.info.
“Në fundjavë mbyllet për qarkullim një pjesë e rrugës “Agim Ramadani” NP “Termokos” SH.A. njofton opinionin e gjerë se të shtunën dhe të dielën më 08 dhe 09 prill, për shkak të punimeve, që po realizohen për zgjerimin e rrjetit të ngrohjes, do të ndërpritet qarkullimi në një pjesë të rrugës “Agim Ramadani”, përkatësisht në segmentin nga “Shtëpia e Sporteve” deri tek ndërtesa e Kuvendit të Kosovës. Ndërprerja e qarkullimit në këtë rrugë ka qenë e domosdoshme për të mundësuar kyçjen në gypin kryesor të ngrohjes për 62 objekte banesore me 767 njësi banimi të lagjes në afërsi të Parkut të qytetit si dhe pjesës së Qytetit të vjetër tek rruga “Bajram Kelmendi”, thuhet në postimin e tyre.
Andaj, “Termokos” ka kërkuar mirëkuptimin e qytetarëve për ndërprerjen e përkohshme të qarkullimit në këtë rrugë./teve1.info/.
